+0 بَگَن (Bəyən)
" اولوسلار آراسی آنادیلی گونو" نو اونوتمایاق !
اجتماعی شبکه‌لرین گونو گوندن گلیشمه‌سینی دونیانین بو گونکو دورومونون بیر ضرورتی حساب ائتسَک‌ده ، اونون ضررلرینی ده گؤز اؤنونه آلمالییق .
بو شبکه لردن دوغرو - دوزگون یولدا استفاده ائتمه‌سک ، اوندان فایدالانماغی یالنیز بیر اویونجاق حدّینه ائندیرمیش اولاریق و چیگنیمیزده اولان آغیر میلّی وظیفه لری اونودوب اونون یئرینه باشیمیزی اویونجاغا بنزَر ایشلرله مشغول ائتمیش اولساق چوخ اودوزموش اولاریق .
+0 بَگَن (Bəyən)
بیرلیگینیزی قورویون (۹)
دوکتور هئیت‌دن اؤزل خاطیره‌لر
حسن راشدی :۱۸ دی ۱۳۹۳
سؤیله‌نیلن تاریخ : ۱۹آبان ۱۳۸۰
مکان : دوکتور هئیت مطبّی ( وارلیق دفتری )
زامان : شنبه گونو آخشام اوستو
بو مکاندا حاصیر اولانلار : رحمتلیک میر هدایت حصاری ، حسن راشدی ، اکبر آزاد ، حسین محمدخانی (گونئیلی) ، دوکنور حسن جعفرزاده ، آغشین آغکمرلی، حسین تهماسب پور ( شهرک- میرزا) ، عبدالعلی مجازی، مسعود فیوضات ، آیدین صادقی،اکبر منظوری ، سلطانی ، محمدپور
شنبه گونو " درنَکلر درنَگی " (۱) موضوعسو اوزه‌رینده دوکتور هئتین مطبینده ( وارلیق دفترینده) جلسه واریدی ؛ بو ساحه‌ده مختلیف بحثلر اولدو ، بو بحثلر آراسیندا دوکتور هئیت دئدی :
" من حضرت محمدین مریدلریندنم ، بو بؤیوک اینسانی پیغمبرلیکدن علاوه بؤیوک بیر فیلسوف و شخصیت بیلیرم ؛ بورادا حزب اللهی - زاد یوخدورکی، من اؤزومو بئله گؤسترم هله‌ده کی،کراواتیمی تاخیرام !
+0 بَگَن (Bəyən)
تورکجه دانیشماسان سنی معاینه ائتمه‌رم ! (۸)
دوکتور هئیت‌دن اؤزل خاطیره‌لر
حسن راشدی : ۴ دی ۱۳۹۳
سؤیله‌نیلن تاریخ : ۱۶ خرداد ۱۳۷۹
مکان : دوکتور هئیت مطبّی ( وارلیق دفتری )
زامان : دوز (دوشنبه ) گونو ساعات ۱۷-۲۰
بیر نئچه هفته ایدی اورتوگرافی سئمیناری ایله باغلی دوکتور هئیتین مطبینده آردیجیل اولاراق "وارلیق یازارلار بیرلیگی"نین جلسه‌لری کئچیردی و سئمینارین نئجه کئچمه‌سی ، کیملرین بو سئمینارا دعوت اولماسی ، سئمیناردا مقاله‌لرین اوخونماسینا واخت آییرما ترتیبی ، هئیت رئیسه عضولری و سئمینارین سونوجو اولاراق سس‌لرین (رای لرین ) نئجه آلینماسی و باشقا موضوعلاراوزه‌رینده اوزون بحثلر اولوردو .
بو بحثلر اثناسیندا ،بلکه جلسه یورودوجو اولماسین دئیه دوکتور هئیت اویرنجی‌لیک زامانیندان بیر خاطیره‌نی بئله تعریف ائتمه‌یه باشلادی :