یوردداش yurddaş

بو بلاگ آذربایجانلیلارین و ایراندا یاشایان باشقا تورکلرین دیل ، تاریخ ، مدنیت ، فولکلور و انسانی حاقلاری ساحه سینده چالیشیر .

" اولوسلار آراسی آنادیلی گونو" نو اونوتمایاق !

+0 بَگَن (Bəyən)

                            

                          " اولوسلار آراسی آنادیلی گونو" نو اونوتمایاق !  

اجتماعی شبکه‌لرین گونو گوندن گلیشمه‌سینی دونیانین بو گونکو دورومونون بیر ضرورتی حساب ائتسَک‌ده ، اونون ضررلرینی ده گؤز اؤنونه آلمالییق .

بو شبکه لردن  دوغرو - دوزگون یولدا  استفاده ائتمه‌سک ، اوندان فایدالانماغی یالنیز بیر اویونجاق حدّینه ائندیرمیش اولاریق و چیگنیمیزده اولان آغیر میلّی وظیفه لری اونودوب اونون  یئرینه  باشیمیزی اویونجاغا بنزَر ایشلرله مشغول ائتمیش اولساق چوخ اودوزموش اولاریق .

" اولوسلار آراسی آنادیلی گونو" نه یعنی فوریه‌نین 21 ی و اسفند آیی نین 2 سینه یالنیز 36 گون قالدی ، بیز ائله بو گوندن باشلایاراق آنادیلی گونونده  و بوتون شهرلریمیزده بو گونله باغلی برنامه‌لر کئچیرمه‌یه لازیمی ایشلر گؤرمه‌یه اقدام ائتمه‌لییک .

بیز مدنی یولدا چالیشماغیمیزی ثابت ائتمک اوچون آنادیلی گونونده و هئچ بیر سیاسی موضوعا قاتیشمادان یالنیز " آنا دیلی " ایله باغلی برنامه لر کئچیرمه‌یه مجّوز  آلماق اوچون بوتون شهرلریمیزده مسئول اداره‌لره ( فرمانداری ، ارشاد اسلامی و یا ... ) گئدیب موجوز آلماغا اقدام ائتمه لییک ؛ اگر بو آچیق - آیدین تقاضامیزا مثبت جاواب وئریلرسه " آنا دیل " حاقّیندا و آرام بیر فضادا برنامه اجرا ائتمکدن یاخشی نه  اولا بیلرکی !

اگر بو حُسن نیّتلی ایسته‌ییمیزه مثبت جاواب وئریلمه‌سه ، حاق سسیمیزی دونیایا یایماق بیزیم وجدان بورجوموزدور.