+0 بَگَن (Bəyən)
دوکتور هئیت‌دن اؤزل خاطیره‌لر
حسن راشدی : ۳ تیر 1394
سؤیله‌نیلن تاریخ : ۲۳ بهمن ۱۳۷۸
مکان : دوکتور هئیت مطبّی ( وارلیق دفتری )
دوکتور هئیت :
بیز شاه زامانینندا نه قدر دربارا یاخین اولسایدیق‌دا یئنه بیزه اعتماد یوخ ایدی و بیزه اؤزگه گؤزو ایله باخیردیلار .
بیر گون شاه زامانیندا بیر عالی رتبه هئیت تورکیه‌دن ایرانا گلمیشدی ، بو هئیت‌ده تورکیه‌نین خارجی ایشلر ناظیری‌نین حیات یولداشی مریض اولدو . من بیر طبیب اولاراق اونو معاینه ائتدیم و لازیم اولان نوسخه یازیلدی و مریض معالجه اولدو .
تورکیه‌نین خارجی ایشلر ناظیری خانیمی‌نین مریض اولدغو خبری محمدرضا شاها چاتمیشدی ، شاه دستور وئرمیشدی " تئزلیکجه اطمینانلی و اؤزلریندن اولان بیر دوکتورو تاپیب آپارین مریضی معالج ائتسین ."
گزارش وئرن آدام دئمیشدی :
" قربان ! دکتری که ایشان را معالجه کرد از خودشان بود !" ( قوربان! اونو معالجه ائدن دوکتور اؤزلریندن ایدی!)
دوکتور هئیت دئدی : بو جمله‌نی منیم قارداشیم اؤز قولاغی ایله ائشیتمیشدی!
دوکتور هئیت یئنه همان زامان باشقا بیر خاطیره‌نی بو موضوع ایله باغلی سؤیله دی :
بیر گون ایرانین ... ( یوکسک مرتبه‌لی بیر مسئولون آدینی دئدی ) ایله گؤروشدوکده منه اوزونو توتوب دئدی:
تورکیه مسئوللاری او قَدر ایران آذربایجانلیلارینا فیکیرله‌شیرلر کی،مملکت مسئوللاری گئجه یاتاندادا اوزلرینی تبریزه ( آذربایجانا ) توتوب یاتیرلار!"
من‌ده تورکیه اؤلکه مسئوللاری‌نین ایراندا میلیونلارلا یاشایان تورک‌لره گؤز اوجو ایله‌ده بئله باخمادیقلاریندان و بیز تورکلرین دردلریندن خبرلری بئله اولمادیقدان ناراحات اولدوغومدان ، دئدیم :
مسئولین کشور ترکیه شبها موقع خواب " ک ....شان " را ( پُشتشان را !) به طرف تبریز گرفته می خوابند! ( تورکیه نین مملکت مسئوللاری گئجه یاتاندا " گ ...لرینی " [دال‌لارینی!] تبریزه توتوب یاتیرلار !)
او آدام گلومسه‌یه‌رک بیر راحات نفس چکیب دئدی : " اگر اینطوری باشه خوبه ....! ( بئله اولورسا یاخشیدیر !" دئدیم :
" مطمئن باشید همینطوره! ( مطمئین اولون ائله دیر !) "