+0 بَگَن (Bəyən)
"دونیا آذربایجانلیلارین بیرلیك گونو"
آذربایجانلیلار "دونیا آذربایجانلیلارین بیرلیك گونو"نو قوتلادیلار.
دونیانین چئشیتلی اؤلكه لرینده یاشایان آذربایجانلیلار میلادی یئنی ایل جوشقوسویلا بیرلیكده عینی زاماندا "دونیا آذربایجانلیلارین بیرلیك گونو"نو قوتلادیلار.
آذربایجان جمهوریتی‌نین نفوسو تخمینا ۹ میلیوندور. آنجاق بیر چوخ اؤلكه‌ده ٥۰ میلیوندان چوخ آذربایجان توركو یاشاییر، او جومله دن ایران سیاسی سینیرلاری ایچینده و گونئی آذربایجان حغرافیاسیندا 30 میلیوندان چوخ آذربایجان توركو یاشاییر . دونیانین مختلیف اؤلكه لرینده و گئنیش جغرافیادا یاشایان آذربایجانلیلار آراسینداكی ایلیشكینی آرتیرماق اوچون ۱۹۹۱ده ۳۱ دسامبر، "دونیا آذربایجانلیلارین بیرلیك گونو" اولا‌راق اعلان ائدیلدی.
بو ایل گرچكلشدیریلن قوتلامالار اولدوقجا چوخ ایدی. یالنیز آذربایجان جمهوریتینده دئییل، دونیانین مختلیف ۷۰ اؤلكه‌سینده بو مراسیم بایرام هاواسیندا قوتلاندی. آذربایجان جمهوریتی‌نین جمهور باشقانی ایلهام علی‌یئوده یایدیغی مئساژدا دونیا آذربایجان‌لیلارینا بیرلیك و برابرلیك آرزوسو ائتدی.