اونلار ” بؤیوك ائرمنستان” خولیاسیندا یاشاییر هر یول ایله اولورسا اولسون اراضی‌لرینی گئنیشلندیرمك ایسته‌ییردیلر. گؤز چیخارماق، باش ، بورون ، قولاق كسمك، قوجا- قاری‌لاری اؤلدورمك ، حامیله قادینلارین  قارینلارینی سؤكمك،كؤرپه‌لرین بئیینلرینی توفنگ‌له داغیتماق اونلارا مقّدس ایش ساییلیردی!

اونلار سود اَمَر كؤرپه اوشاقلاردان توتموش اللری چلیكلی قوجا – قاری‌لاری قتل عام ائتمكده و اَن آلچاق ایشلره ال آتماقدا بیر اَن بئله شُبهه‌لنمه‌ییردیلر.

او گئجه ده  ائرمنی داشناكلاری دیرناقدان باشا سیلاحلا یاراقلانمیش دسته لرله، هئچ بیر سیلاحی اولمایان خوجالی‌نین یئرلی اهالی‌سینین سوی قیریمینا بئل باغلامیشدیلار.

خوجالی اهالیسی ائرمنی‌لرین بئله بیر چیركین هدفینی دویدوقدا بو وحشی‌لیگین قاباغینی آلماق اوچون سیلاح اله كئچیرمه‌یه و شهردن مدافعه ائتمه‌یه جان آتیردیلار، لاكین اونلارین الینده هئچ بیر سیلاح یوخ ایدی . اولان سیلاحلاردا روس عسگرلری الینده ، روس عسگرلری ایسه ائرمنی آرخاسیندا و كؤمگینده ایدی!

خوجالی ایگیتلری هئچ بیر چاره تاپمادان بعضی ائولرده آتا – بابادان قالان كؤهنه قمه – قیلینج و قوش توفنگلری ایله شهردن مدافعه ائتمه‌یه باشلادیلار.

غیرتلی ایگیتلرین قمه – قیلینج و قوش تفنگ‌لری ایله شهری قورویوب ائرمنی‌لرین توپ – تانك و مسلسل‌لری قاباغیندا دایانیب شهامت‌له شهید اولمالاری، قادین – اوشاق و قوجالارین بیر عدّه‌سینه شهردن دیشاری چیخیب قارلی داغلارا پناه آپارمالارینا فرصت یاراتدی..

 .

1992-ci il mart ayının ilk günlərində Xocalıda rusiyalı jurnalist Viktoriya İvleyeva tərəfindən çəkilən fotoşəkil - torpaqdakı meyitlər fonunda şəhərdə talançılıqla məşğul olan erməninin maşını

خوجالی‌نین غیرتلی و ایگید جاوانلاری شهید اولدوقدان سونرا، ائرمنی‌لر بو شهرده سوی – قیریما باشلا دیلار!

اونلار قادین – اوشاق، قوجا – جاوان و حتّا خسته خانا مریض‌لرینه رحم ائتمه‌دن هامینی گولـله‌‌دن كئچیردیكدن سونرا مدافعه‌سیز اهالی‌نین بورون – قولاغینی كسمه‌یه ، بویلو و حامله قادینلارین قارینلارینی سؤكمه‌یه  باشلاییب حتّا حیوانلار آراسیندا اولمایان چیركین عمللره اَل بئله آتدیلار!

ائرمنی‌لرله بیرلیكده خوجالی فاجعه سینی یاراتماقدا  اشتراكی اولان  و سونرالار آذربایجانلی عسگرلرینه اسیر دوشموش بیر روس عسگری‌نین دهشتلی اعترافی و بو اعترافدان چكیلن ویدئو فیلمی‌نین دونیایا یاییلماسی ائرمنی وحشی‌لیكلرینی داها آرتیق دونیایا تانیتمیشدیر!

بو دهشتلی اعترافدا روس عسگری، ائرمنی‌لرین خوجالی شهرینده تورَتدیكلری جنایت‌دن دانیشاراق وجدان عذابینا دوچار اولدوغونو بیلدیرمیشدیر.

.