+0 بَگَن (Bəyən)
دوكتور زهتابی‌د ن چاپ اولمامیش ایكی شعر
عنادلی یاهی
وئریب سعادتیمی, آلمیشام فلاكتی من
بوٍتون جهانه دَییشمم اینان بو حالتی من
سئوینمه دردیمه, قوْودوم چیٌخاندا یوُردومدان
قاپیمدان ایت تك اؤزوم, عیشی, استراحتی من
اوُشاقدا سانما منی, آنلیرام الیفبانی
بو قدر بیل, قانیرام هر كیچیك ایشارتی من
باجارسا دوٍشمن الی, قوْی سینهمده اوْد قالاسین
بوٍتون جهانی گزیب, سسلرم عدالتی من
گؤزوم ائلیمدهدی دوٍشمن سئوینمهسین بو قدهر
سهند داغلاری تك گؤزلورم نهایتی من
وطن پرستلیگیمده عنادلی بیر یاهییام
كی بیر دقیقه دَییشمم یوُواملا جنّتی من
سنیندی مئیدان, آتین چاپ نه قدر وار قوُوّهن
تضرّع اوُمما كی ارث آلمیشام مناعتی من
همیشه لایلالاریندان یادیمدادیر آنامین
كی ساتمایام قیٌزیلا, خلقله, شرافتی من
اجلدن اوْلسا آمان سؤیلرم یقین بیر گوٍن
وفالی خلقیمه آخرده بو حئكایتی من.
باكی شهری- ۱۹۵۸/۲/۲۸ (۱۳۳۷/۱۲/۹)
بیر دیلَك
بیر دیلَگیم وار
اوْ گوٍن انتظارلار باشا چاتاندا
ائلیم زنجیرینی قیٌریب آتاندا
عدالت دیوانی قوُرولان زامان
هر یاندا بایراغیم ووُرولان زامان
شن نغمه سسیندن دوْلاندا تبریز,
اختیار الینه آلاندا تبریز,
باشیم آغارسا دا, بیر اوْغلان كیمی
باشیما گلنی ارمغان كیمی
اَركدن خلقیمه سپهجهیم من
مٍقدّس آرزو, گؤزل بیر دیلك
بو دیلَك اوُغروندا تقدیم ائدهجك.
بیر اوٍرَگیم وار,
بیر اوٍرَك.
دوشنبه (استالین آباد) یاتاقخانا ۱۹۵۳/۸/۳۰ (۱۳۳۲/۶/۸)