1385 - جی ایل خرداد قیامی

و بو موضوع ایله باغلی  او زامانین اس ام اس لر ی

                                               حسن راشدی  1/3/1393

1385- جی هجری شمسی ایلین "خرداد قیامی " آذربایجان تاریخینده اؤزل موقعیته مالیكدیر.

بو تاریخد " ایران " آدلی دولتی قزئت ده توركلره توهین اولدوقدا  بو توهینه سارسیدیجی جاواب وئره رك آذربایجان میلّتی آذربایجانین بوتون شهرلرینده آیاغا قالخیب اعتراض قیامینا باشلادی.

بو اعتراض آذربایجانین ان اؤنملی و باش شهری تانینان تبریزدن توتدو ، اورمیه ، زنجان ، اردبیل ، قوشاچای ، خوی ، مرند ، داش ماكی ، سولدوز (نقده) ، خیاو (مشكین شهر)  شهرلرینده داوام ائده رك  آذربایجانین كیچیك شهرلری اولان طارم ، پارسا آباد و گئرمی كیمی شهرلرینده ده ادامه تاپدی .

بو قیام یالنیز آذربایجان شهرلری دئییل تهران كیمی شهرده و ایرانین مركزی و یاریدان بلكه چوخ جمعیتینی  توركلر تشكیل ائدن پایتختینده ده اؤز عكسینی تاپدی .

اوشاقلارا عاید " ایران " قزئتینده چاپ اولان حیاسیزجاسینا توركلره حؤرمت سیزلیك و " سوسك " (بؤجَك ) موضوعسو آدی آلتیندا و كاریكاتور كیمی یاییلان توهیندن سونرا او گونلرین حادثه لری ایله ایلگیلی چوخلو اس ام اس خبرلری آذربایجانلیلار آراسیندا یاییلدی ، بو اس ام اس خبرلرین بیر قیسمی ده او زامان منیم جیب تئلفونوما گلمیشدی .

جمعه  گونو 22/2/1385 تاریخینده " ایران " قزئتی نین اوشاقلارا عاید اؤزل بؤلومونده و " چه كنیم سوسكها سوسكمان نكنند = بؤجكلر بیزی بؤجك ائتمه مك اوچون نه ائتمه لییك؟ "  آدی آلتیندا توركلره توهین اولدوقدان سونرا ، آذربایجان اؤیرنجیلری و مدنی فعاللار اعتراض عنوانیندا بو توهینه تپكی گؤستردیلر و عمومی اعتراض قیاملاری آذربایجان شهرلرینده باشلاندی.

بو اعتراضلارین بیر سیراسی خبر كیمی SMS   یولو ایله دوست و تانیشلارا گونده ریله رك منه ده گلیردی كی ، او زامانین اس ام اس لریندن بیر سیراسینی تاریخ و بعضی لری نین حتی ساعاتلاری ایله بیرلیكده یادداشت ائتدیگیمدن بورادا گتیریرم ، بو اس ام اس لر كیمین طرفیندن منه گونده ریلیردی چوخونو بیلمیردیم ، آمما  آمار باخیمدان تظاهرات ائدنلرین و یا باشقا موضوعلارین حقیقت اولدوغو و یا حقیقته داها یاخین اولدوغونو گؤستریردی :

شنبه دن دوز گونونه قدر 23 / 2 /1385   الی 25/ 2 / 1385

تبریزین " سهند " بیلیم یوردوندا ظاهرا صنفی ایستَك لره گؤره اؤیرنجیلر اوروج اعتصابی ( اعتصاب غذا) ائتمیش و یئمك یئمكدن امتناع ائتمیشلر ، لاكین الكترونیكی سایتلارین بعضی لری یازمیشدیر:

" اعتصاب غذای دانشجویان دانشگاه سهند در ارتباط با مسائل قومی است "

سه شنبه 26 / 2/ 1385

تبریز بیلیم یوردو تورك اؤیرنجیلری " ایران " قزئتی نین توركلره اهانت ائتدیگینه گؤره بیر توپلانتی دا اؤز اعتراضلارینی تبریز دانشگاهی نین ایچینده گؤسترمیشلر ، اس ام اس خبرلرینه اساسا بو اعتراض دا 6000-7000 اؤیرنجی اشتراك ائتمیشدیر .

چهار شنبه 27 / 2 / 1385

تبریز بیلیم یوردو تورك اؤیرنجیلری تبریز دانشگاهی نین ائشیگی و بو دانشگاهین قاباغیندا توپلاناراق " ایران " قزئتی نین توركلره قارشی اهانتینه اعتراض ائده رك بو قزئتین باغلانماسینی ایسته میشلر، خبرلره گؤره بو اعتراض دا 10000 اؤیرنجی اشتراك ائتمیشدیر .

چهار شنبه 27 /2/ 1385

تهران بیلیم یوردونون تورك اؤیرنجیلری بو گون ساعات 12:30 دا تهران دانشگاهی قاباغیندا توپلانمیش و " ایران " قزئتی نین توهینینه اعتراض ائتمیشلر لاكین پولیس قوه لری اؤیرنجیلری دانشگاه ایچینه سوروكله میش و ائشیكدن گلیب اعتراضا قوشولان تورك اؤیرنجیلرین قاباغینی آلمیشدیر . بو اعتراضا 400 - 500 اؤیرنجی قاتیلا بیلمیشدیر .

چهار شنبه 27 / 2 / 1385

" اردبیل بیلیم یوردو" ندا 1000 نفر اؤیرنجی " ایران " روزنامه سینه اعتراض عنوانیندا توپلانمیشلار، عین حالدا تهران بیلیم یوردلاری تورك اؤیرنجی لری اعلام ائتمیشلر كی، اگر " ایران " روزنامه سی مسئولو توركلره ائتدیكلری اهانته گؤره معذرت ایسته مزسه ، " پلی تكنیك " و یا " علم و صنعت " دانشگاهیندا اعتراض اولاجاق !

چهار شنبه 27 / 2 / 1385

اورمیه مطبوعات دكه لری " ایران " روزنامه سینه اعتراض عنوانیندا بو روزنامه نین ساتیشینی تحریم ائتمیشلر . قرار اوزره پنجشنبه  28 / 2 / 85 تاریخینده "اورمیه آزاد بیلیم یوردو " نون " سما  Sema - " واحدینده ساعات 11 ده ایران روزنامه سی علیهینه تحصّن اولاجاق

چهار شنبه 27 / 2 / 1385

اورمیه ده تحصّن لر گلن هفته ده داوام ائده جك ، اورمیه لیلر خردادین ایكی سینده اورمیه شهرینده " ایران " روزنامه سی نماینده لیگی قاباغیندا اعتراض عنوانینندا توپلاناجاقلار

پنجشنبه  28 / 2 /1385

اورمیه و نقده شهرلرینده " ایران " روزنامه سینه اعتراض داوام ائده جك ، عین حالدا " سهند " دانشگاهیندا " ایران " روزنامه سی علیهینه شنبه گونو 30 / 2/ 85 ده اعتراض اولاجاق

جمعه 29 / 2 / 1385

" ایران " روزنامه سی اؤزل سایی:  " دو بار از آذری ها عذر خواسته ایم ، دیگر كافی است نه توقیف روزنامه و نه محاكمه ای را نمی پذیریم ."

جمعه 29 / 2 / 1385

ایران روزنامه سی نین تبریز دفتری اودا چكیلدی

شنبه  30 / 2 / 1385

" ایران " روزنامه سی نین  اورمیه دفتری جمعه گونو 29 /2 /85 اودا چكیلدی

شنبه  30 / 2 / 1385

اورمیه ده " ایران " روزنامه سینه اعتراض ائدنلری امنیت قوه سی  عطایی خیابانیندا و ساعات 6 دا داغیتدی

شنبه  30 / 2 / 1385

خوی شهرینده و باشقا بیر نئچه شهرده میلّتچیلردن بیر تعدادی او جومله دن ابراهیم جعفرزاده توتولوبلار

شنبه  30 / 2 / 1385

ساعات 8:40 آخشام : سولدوزون وضعیتی قاریشیقدیر ، میلّت اعتراض عنوانیندا خیابانلاری باغلاییبلار ، توتوقلانانلارین سایی چوخدور

یكشنبه 31 / 2 / 1385

خالخالین آزاد دانشگاهیندا 2500 اؤیرنجی " ایران " قزئتی علیهینه تحصّن ائدیب

یكشنبه 31 / 2 / 1385

سولدوزون " سلطان " داغیندا تظاهرات اولوب ، اوچ نفر آز یاشلی یئنی یئتمه طرفیندن بیر بایراق چیخیب بو تظاهراتدا ، دولت قوه لری طرفیندن بیر نفره گولله دگیب  ایكی نفر  اشكنجه آلتیندا

یكشنبه 31 / 2 / 1385

" اكبر اعلمی " مجلس ده : احمدی نژادین عرضه سی یوخدور اونون روزنامه سی اهانت ائدیر

یكشنبه 31 / 2 / 1385

بو گون ساعات 12- 13 كیمی میانانین آزاد بیلیم یوردوندا اؤیرنجیلر تحصّن ائدیبلر ، سونرا ائشیگه چیخیبلار و میلّت ده اونلارا قوشولاراق فرمانداری قاباغیندا  " ایران " روزنامه سی نین  توهینینه اعتراض ائدیبلر

یكشنبه 31 / 2 / 1385 - ( 21 /5 / 2006)

روزنامه آفتاب یزد : دانشگاه زنجان تعطیل شد ، در صورت عدم صدور مجوز راهپیمایی جاده ترانزیت تهران - تبریز مسدود خواهد شد

یكشنبه 31 / 2 / 1385

اردبیل شهری نین " محقق اردبیلی " بیلیم یوردوندا 2000 نفرلیك اؤیرنجی تحصّنی " ایران " روزنامه سی علیهینه باشلاندی

یكشنبه 31 / 2 / 1385 - (21 / 5 / 2006)

بو گون " قوچان بیلیم یوردو " ندا ساعات 5 ده ایران روزنامه سی علیهینه اعتراض اولاجاق ، عین حالدا تهراندا میلّی فعاللار  بوتون توركلری چهارشنبه گونو 3 / 3/ 85 تاریخینده تهرانین خرمشهر خیابانبندا یئرله شن " ایران " روزنامه سی دفتری قاباغیندا اعتراض توپلانتی سینا دعوت ائتدیلر

یكشنبه 31 / 2 / 1385

تبریزین " سهند " دانشگاهیندا تحصّن اولدو

یكشنبه 31 / 2 / 1385  - (21 / 5 / 2006)

فارس نیوز : دفتر روزنامه " ایران " در ارومیه به آتش كشیده شد

یكشنبه 31 / 2 / 1385

حجت الاسلام حسنی و محمد عباسپور از تحصّن سه شنبه دوم خرداد اعلام حمایت كردند ( تحصن ساعت 17:30 مقابل روزنامه " ایران ")

دو شنبه 1 / 3 / 1385 - ( 22 / may / 2006)

روزنامه شرق ص 7 ، اكبر اعلمی : دولت و سخنگوی دولت از مردم عذرخواهی كند

دو شنبه 1 / 3 / 1385

تبریزده بو گون راستا بازاردا اولان تظاهراتا مجوز وئریلیب

دو شنبه 1 / 3 / 1385 - ( 22 / may / 2006)

زنگان دا میلّت شهرین مركزی مئیدانینا توپلاشیب و شعار وئریر

دو شنبه 1 / 3 / 1385 - ( 22 / may / 2006)

 ساعات 14:13

 صبر تبریز لبریز شد تظاهرات آغاز شد

 دو شنبه 1 / خرداد / 1385 - ( 22 / may / 2006)

ساعات 16:45

 تبریزده آزی 5 مین نفر خیابانلاردا

ساعات 17:14

تبریزده میلّتین اوستونه ایستی سو و گؤز یاشاردیجی گاز بوراخیبلار

ساعات 17:29

500 نفر  از دانشجویان دانشگاه اهر از روز شنبه اعتراض خودرا به روزنامه ایران ادامه می دهند ، به علت فاصله زیاد دانشگاه با شهر نیروهای دولتی اجازه ورود به شهر نمی دهند

ساعات18:26

تبریز شهری قاراباغا دؤنموش

ساعات 18:33

هم اكنون بیش از 15 هزار نفر در خیابان آبرسان و میدان ساعت به تظاهرات خونین ادامه می دهند

ساعات 18:52

بو ساعاتدا تبریزده نئچه یوز مین قهرمان میلّتیمیز خیاباندا ، دولتی سازمانلار و انتظامی قوه لر میلّته قوشولوبلار

ساعات 19:19

تبریزین بازاری بو گون كاملا باغلاندی ، تظاهراتدا نئچه یوز مین نفر اشتراك ائدیب ، 40 نفر توتولوب ، میلّت پاسگاه قاباغینا گئدیب توتولانلارین آزاد اولماسینی ایسته ییرلر

............................................................................

و چوخلو اس ام اس لر كی قیامین سونونا قدر منه گلیردی و من اونلارین هامیسینی بورادا قویماغی اویقون گؤرمورم