یوردداش yurddaş

بو بلاگ آذربایجانلیلارین و ایراندا یاشایان باشقا تورکلرین دیل ، تاریخ ، مدنیت ، فولکلور و انسانی حاقلاری ساحه سینده چالیشیر .

بابک قالاسی مراسیمی‌ایله کوروش قبری مراسیمی نین اوخشارلیقلاری و تفاوتلری!

+0 بَگَن (Bəyən)
Image result for ‫بابک قالاسی‬‎ Image result for ‫به خاک افتادن در پاسارگاد شیراز‬‎

 بابک قالاسی مراسیمی‌ ایله کوروش قبری مراسیمینین
               اوخشارلیقلاری و تفاوتلری!


           حسن راشدی : 19 مهر 1395

1379 الی 1382 جی ایللره کیمی آذربایجانلیلار و ایرانین باشقا یئرینده یاشایان تورکلر تیر آیی نین  ایلک پنجشنبه و جمعه سینده " بابک خرمدین " ین دوغوم گونونو قوتلایاراق کلیبر شهری و بابک قالاسیندا  ان سالیم و مدنی بیر فضادا شعر  ، فولکلور و موسیقی مراسیمی  کئچیریردیلر و طبیعی کی، اؤلکه قانونلاری و آنایاسا چرچیوه سینده آنا دیلده تحصیل ایستکلری ده  اولوردو.
آمما بو سالیم مراسیمه قارشی هر ایل او بیریسی ایله نسبت  امنیّت قوه لری طرفیندن سیخینتی و بوغونتولار چوخالدی.  حتی  آذربایجان شهرلرینده   مینی بوس ، سواری و اوتوبوس  سرویس لرینه اخطار وئردیلر  تیر آیی نین بیرینجی پنجشنبه  و جمعه سینده  ( بابکین دوغوم گونلری مراسیمینده )  حقلری یوخدور بابک قالاسینا  مسافیر آپارسینلار.  ایش اورایا چاتدی کی ، 1382 جی ایلده  بابک قالاسی آیاغیندا  " بابک  هُتلی "  اطرافیندا نظامی پادگان یاراتدیلار  و مراسیمه گلن تانینمیش میلّی شخصیتلریمیزین بیر تعدادینی  هئچ بیر سوچ و گوناهی اولمادان توتوقلاییب  زیندانلارا سالدیلار !    آمما بوتون بو سیخینتیلارا رغما ، 1382 جی ایل یوز مینلر اینسان بابک قالاسی مراسیمینده  و چوخ  آغیر باسقی و  فیشارلار آلتیندا شرکت ائدیب چوخ سالیم و مدنی بیر فضادا بو گونو شعر و موسیقی و فولکلور  ایله عزیزله‌دیلر .
">
">Image result for ‫بابک قالاسی‬‎                Image result for ‫به خاک افتادن در پاسارگاد شیراز‬‎
">
1383 جو ایلدن   و بابک مراسیمی گونلری پولیسی فضا او قدر چوخالدی و یوللار باغلاندی کی ، یالنیز  آز تعداددا اینسان  و اؤزل یوللارلار  بو گونده اؤزلرینی قالایا چاتدیردیلار ؛ آمما  اونلاردا  اؤزل قوه لرین نظارتی آلتیندا قالاراق  هئچ بیر مراسیم کئچیرمه یه موفق اولمادیلار . نهایت 1384 جو ایلدن  و بابک‌ین دوغوم گونونده داها هئچ کیمسه‌یه اجازه وئریلمه‌دی بو قالایا گئتسین و حتی باشقا گونلر و آی لاردا ، بو قالایا گئدنلری مختلیف سورغو - سئواللارا توتدولار!
آمما ایندی ، پانفارسلار و کوروش پرستلر  ، بابک قالاسی مراسیمیندن الهام آلیب اونا اوخشار مراسیم ترتیب ائدیب آمما پانفارسلیق و زرتشتی چی‌لیگی تبلیغ ائدیر  و  ضد اسلاملیق هدفلری  ایله هر ایل آبان آییندا 
" پاسارگاد " آدلانان ساختا  کوروش قبری اطرافینا توپلانیب آللاه عوضینه  کوروشو  پرستیش ائدیر و مکّه یه طرف  عبادت عنوانینندا آلینلارینی تورپاغا قویماق یئرینه ، کوروش قبری آیاغیندا آلینلارینی یئره قویور و عبادت ائدیرلر !
‌‌
بابک قالاسی مراسیمی ایله کوروش پرستلرین مراسیم و هدفلری‌نین فرقینه باخیب قضاوت ائدین!
ظاهرا بوجور داورانیشلارین هئچ بیر اشکالی‌دا یوخدور!