منجه هر کس اوز ایشینی گورمه لیدیر ، هم فراکسیون اوز ایشینی گورمه لی ، هم میلّی حرکت. بیز نه دربست فراکسیوندان حمایه ائتمه لییک و نه اونون قارشیسیندا دایانمالییق . بیزیم فراکسیون اعضالاریندان انتظاریمیز یوخدور  گوج و قُدرتلریندن قیراق ایشلری گورمه یه اقدام ائدیب بیر میلّتچی کیمی دانیشیب یا حرکت ائتسینلر.  آمما بیزیم انتظاریمیز اونلاردان ، گؤره بیلدیکلری ایشی صداقتله یئرینه یئتیرسینلر و یالنیز " ادای وظیفه" ائتمه یه  و ظاهرلرینی مطلوب گؤسترمه یه چالشماسینلار!                                                                                                                                                                                       منجه مرتضی جریانینندا فراکسیون نماینده لری لازیمی قدر و اللرینده اولان امکان قدری چالیشمادیلار ، اگر واقعی چالیشسئیدیلر  آمما مرتضی ‌یا  آزادلیق آلا بیلمه سئیدیلرده هئچ بیر مسئله اولمازدی ؛ آمما تاسفلر اولسون اونلار بئله ائتمه دیلر!                                                                                                                                                                                                                  منجه فراکسیون اؤز یولونو گئتمه لیدیر  میلّی حرکت ده اؤز یولونو . اگر فراکسیون اؤزوندن  آذربایجانین ایستکلرینه بیر مثبت ایش گوردو، اوندا اوندان دفاع ائتمک  لازیمدیر ، آمما ایندیلیکده  هله فراکسیوندان  هئچ بیر مثبت ایش گورمه دن مدافعه ائتمک، گله جکده فراکسیون عضولری میلّتیمیز علیهینه منفی آددیملار آتارلارسا اوندا داها اونون قاباغینی آلماغا چوخ انرژی و هزینه لازیم اولار!