یوردداش yurddaş

بو بلاگ آذربایجانلیلارین و ایراندا یاشایان باشقا تورکلرین دیل ، تاریخ ، مدنیت ، فولکلور و انسانی حاقلاری ساحه سینده چالیشیر .

« شهر یئری» آذربایحانین دوققوز مین ایللیک تاریخی اثری! (اوچونجو بؤلوم)

+0 بَگَن (Bəyən)

            

    اردبیل- موغان مدنی- تاریخی سفردن خاطیره (اوچونجو بؤلوم)             

   « شهر یئری» آذربایحانین  دوققوز مین ایللیک تاریخی اثری!

داغیلمیش حالیندا اولان« شاطیر گونبذ»ی بیناسینی گؤردوکدن سونرا ایکی نفریمیز بیر ماشینلا اردبیله قاییدیر، بئش نفریمیز ایسه «شهریئری » آدلانان تاریخی مکانا گئدیریک.

بو یول منه تانیشدیر، یولا دوشنده اؤزل و نوستالوژیک بیر دویغو روحوما حاکیم اولور. چونکو 15 یاشیمدان و 1348- جی ایلدن دوغما یوردومدان آیریلیب بو گونه کیمی تهران و کرجده ساکین اولدوغوم ایللرده، ان آزی ایلده بیر دفعه بعضی ایللر ایسه ایلده 3-2 دفعه تهران- کرجدن گلیب بو یول ایله آتا- آنا یوردوم اولان گئرمی نین، موران منطقه‌سی و «زاهرا» کندیمیزه گئتمیشم، ایندی ده گئدیرم و اؤلندن سونرادا کندیمیزده دفن اولاجاغیما‌ وصیّت ائتمیشم!



آردینی اوخو - ادامه

اردبیل - موغان مدنی- تاریخی سفردن خاطیره ( ایکینجی بؤلوم)

+0 بَگَن (Bəyən)

         

          اردبیل  - موغان مدنی- تاریخی سفردن خاطیره ( ایکینجی بؤلوم)             

          « ایلدیریم » شاعیردن تجلیل و «شاطیر گونبذی» !

 

آخشام ، دعوت اولدوغوموز یئرده « ایلدیریم » تخلّص‌لی شاعیردنده تجلیل اولور ؛ شعر اوخونور  و بعضیلری‌ده کئچمیش خاطیره لریندن دانیشیرلار. شاعیر ایلدیریمی من‌ده تانییرام آمما بلکه اوتوز ایلدن چوخدور بیربیریمیزی گؤرمه میشدیک ؛ 1361- 1365 جی ایللرده تهراندا و خیّام خیابانی « پارک شهر» قارشیسیندا رحمتلیک علی تبریزی‌نین«آتروپات» آدیندا کیتاب دوکانیندا ایکی هفته‌دن - آی دان بیر توپلاشیب ، شعر- داستان اوخویوب مدنی حاقلاریمیز ساحه‌سینده فیکیر مبادله‌سی آپاراردیق، ایچیمیزده ارتشی - خلبان‌دا واریدی، او گونلر هله بوجور توپلانتی‌لارا بوگونکو کیمی سیخینتی - بوغونتو یوخ ایدی....!

گئجه یاریسینا یاخین عزیزلَمه مراسیمی باشا چاتیر و هرکس ائوینه گئدیر ، بیزده قوناق اولدوغوموز ائوده یاتیریق.



آردینی اوخو - ادامه

اردبیل- موغان مدنی- تاریخی سفردن خاطیره (بیرینجی بؤلوم)

+0 بَگَن (Bəyən)

           

            اردبیل- موغان مدنی- تاریخی سفردن خاطیره (بیرینجی بؤلوم)             

           « شاطیر گونبذی» صاحیب سیز تاریخی اثریمیز ،                                                                                                                                      « شهر یئری» آذربایحانین  دوققوز مین ایللیک تاریخی و ... !

                            حسن راشدی آذر آیی 1396

آچیقلاما :بو خاطیره سفری 1396 جی ایلین آذر آییندا یازیلیب آمما ایلک دفعه اولاراق پایلاشیلیر و نئچه بؤلومدن  تشکیل  تاپیب  کی، نوبت ایله تلگرام ، اینستاگرام ، فئیسبوک  صحیفه لریمیز  و « یوردداش »  وئبلاگیمیزدا  پایلاشیلاجاق.                                                                                                                                                                                                                                                                                                                     

اردبیلده یاشایان اسکی و قدیمی بیر دوستون دعوتی ایله اوچ ادبیاتچی، اوچ نفر دیلیمیز ،ادبیاتیمیز و تاریخیمیزله ماراقلانان،ایکیسی‌نین یاشی بیربیرینه یاخین ، اوچونجوسوایسه یاشدان کیچیک اولسادا پیشمیش شاعیر اولدوغوندان قارشی‌دا اولان ادبی- مدنی - تاریخی بیر سفره چرشنبه گونو آبان آیی‌نین 17 سی  1396 جی ایل تهراندان اردبیله طرف یولا دوشورلر.

یعنی من ماشین سورورم ، صبح ساعات دوققوزدا معاصیر و مهارتلی شاعیر آمما یاشی مندن آز سعید موغانلی‌نی تهراندان گؤتوروب تهران - کرج یولو اوستونده تجروبه‌لی شاعیر و محقق و بیر یاش مندن کیچیک حسین محمدخانی (گونئیلی) نی‌ده یانیمیزا آلیب یولا داوام ائدیریک.

اوچوموزون سؤزوموز یاخشی توتور ، هر اوچوموز ادبیاتچی‌ییق. ماشیندا موسیقی - زاد ائشیتمه یه احتیاج یوخ، چونکو یول اوزونو دانیشماغا زامان آز گتیرمه‌سک اؤزوموزو شانسلی ساناریق!



آردینی اوخو - ادامه

حتی در افغانستان جهان سومی هم ، دو زبان ، رسمی و سرتاسری است !

+0 بَگَن (Bəyən)
پاسپورت افغانستان.jpeghttp://static3.eghtesadonline.com/thumbnail/3tmmiBRcW1C0/BGmQaTBpfAytX4aLRhq9RaAF56YLGeYk6MRgJDQmAgB0qKV9Q7sktiBgA4n8Y6_n1gDYrWUUxpJ8csm-_V9yRCNcdp1QsQZ6Xp5oXOcM1wEZmzaDbk6_Fw,,/%DA%AF%D8%B0%D8%B1%D9%86%D8%A7%D9%85%D9%87+%D8%B9%D8%B1%D8%A7%D9%82.jpg

حتی در افغانستان جهان سومی هم ، دو زبان ، رسمی و سرتاسری است !    
                                                                                      
حسن راشدی :  5 آبان 1397

در کشور افغانستان، همسایه ایران و همزبان فارسها که خیلی از پانفارسها از همزبان بودن با این کشور جهان سومی و عقب مانده احساس خجالت و شرم می کنند که دلیل بر نژادپرستی ، خود بزرگ بینی و برتری پنداری آنهاست ،  دو زبان پشتو و دری ( فارسی) زبان رسمی و سرتاسری است و کلیه اسناد و مدارک در این کشور به این دو زبان نوشته می شود و از مدارس ابتدایی و دبیرستان گرفته تا پایان دانشگاه این دو زبان موازی و در کنار هم تدریس می شود،


آردینی اوخو - ادامه