یوردداش yurddaş

بو بلاگ آذربایجانلیلارین و ایراندا یاشایان باشقا تورکلرین دیل ، تاریخ ، مدنیت ، فولکلور و انسانی حاقلاری ساحه سینده چالیشیر .

" دوکتور نطقی" نی ممنوع الورود ائله میشدیلر(15)

+0 بَگَن (Bəyən)

 

Image result for ‫دکتر حمید نطقی‬‎  " دوکتور نطقی" نی ممنوع الورود ائله میشدیلر(15)


                                         دوکتور هئیت‌دن اؤزل خاطیره‌لر   

                                         حسن راشدی : 11 دی ۱۳۹۴ 

 سؤیله‌نیلن تاریخ :شنبه 30 مرداد 1380

  مکان : تهران ، وارلیق دفتری (  دوکتور هئیت مطّبی)

زامان : آخشام اوستو

 جلسه ده اشتراک ائدنلر : حسن راشدی ، اکبر آزاد ، ساوالان ، صرافی ، رفرف ، میر هدایت حصاری ، محمدرضا هئیت .

بو جلسه ، اورتوگرافی سئمیناریندان سونرا تشکیل تاپان جلسه سیرالاریندان ایدی و اورتوگرافی نتیجه‌لری باره‌ده دانیشیلیر و بو نتیجه‌نین جزوه شکلینه سالینماسی و اوخوجولارین اختیاریندا قویولماسی باره‌ده  تصمیملر توتولماقدا ایدی .

بو جلسه‌ده سؤز 8 الی 15 تیرده و بیر هفته‌لیک بابک قالاسیندا کئچیریلن " بابک قالاسی مراسیمی " باره‌ده  و بو مراسیمده 500 مین نفردن چوخ اشتراک ائدنلردن گئتدی .



آردینی اوخو - ادامه

من بو گون یالنیز فخر یوخ ، قانادلانیب اوچماق ایستیرم ! (14)

+0 بَگَن (Bəyən)

 

                          

                    من بو گون یالنیز فخر یوخ ، قانادلانیب اوچماق ایستیرم ! (14)   

                                       دوکتور هئیت‌دن اؤزل خاطیره‌لر   

                                         حسن راشدی : اول مهر۱۳۹۴ 

سؤیله‌نیلن تاریخ : ۲۷ خرداد  ۱۳۷۹جمعه

  مکان : تهران " شفق مدنیت سارایی "

زامان : ساعات :   ۱۳:۳۰

من (حسن راشدی ) ، اکبر آزاد و نوشین موسوی ( آیشین آیدا ) ۱۳۷۲ جی ایلدن اوشاقلار و یئنی یئتمه‌لرله باغلی " چیچکلر قورولوشو " آدلی بیر تشکیلات یاراتدیق . بو تشکیلات آذربایجاندا یاشایان و یا  تهراندا آذربایجانلی عائله‌لریندن دونیایا گلن اوشاقلارین یاردیمی ایله آنا دیلده مختلیف فولکلوریک - موزیکال برنامه لر اجرا ائتمه‌یه موفق اولدو و ایلک برنامه‌سینی 1373 جو ایل تهرانین 16- جی آموزش و پرورش منطقه‌سی‌نین " دوکتور شریعتی " آدینا بؤیوک تالاریندا و نازی آباد محله‌سینده  " اوشاق شعری و موسیقیسی آخشامی " آدی آلتیندا هنرمند آذربایجان اوشاقلاری‌نین اجراسی ایله باشلادی ؛ بیر ایل سونرا و 1374 جو ایلده " لای لای ، نازلاما و بوی اوخشاما " آدی ایله یئنه همان سالوندا و 1376 جی ایلده ایسه "مین ایل ادبیات ، اوشاقلار و 710 ایل یاشاییش"  آدی ایله باشقا برنامه‌نی تهرانین " بهمن مدنیت سارایی " ندا اوشاقلار و یئنی یئتمه‌لر طریقی‌ایله رحمتلیک دوکتور زهتابی ، دوکتور هئیت ، دوکتور فرزانه و رحمتلیک غلامرضا مجدفردن  تجلیل ائده‌رک اجرایا آپاردی. 



آردینی اوخو - ادامه

من دیلیم و مدنیّتیم یولوندا سوپورگه گؤتوروب یئر سوپوره‌رم (13)

+0 بَگَن (Bəyən)

                                                                                                   

          

         من دیلیم و مدنیّتیم یولوندا سوپورگه گؤتوروب یئر سوپوره‌رم ! (13)
          

                                           دوکتور هئیت‌دن اؤزل خاطیره‌لر  

                              حسن راشدی : 2 مرداد 1394 

سؤیله‌نیلن تاریخ: 1370 جی ایل ، مهر آیی  

مکان : ساوه شهری‌نین قره‌غان بؤلگه‌سی ، " مرَ‌غئی ( مراغه )"  کندی ، کند مسجدی

زامان : آخشام

1370 جی ایل مهر آیی نین ایلک گونلری‌ایدی . شرقی آذربایجانین گونئی منطقه سیندن اولوب تهران و کرجده یاشایان فعال گونئی‌لیلرین تلاشی ایله یارانان " شهریار درنگی " و ساوه تورکلریندن اولان بیرینجی درجه‌لی عدلیه وکیلی ، دیلیمیز و مدنیتیمیز یولوندا قیسا عؤمرونون سونونا قدر چالیشان رحمتلیک علی کمالی‌نین تلاشی‌ایله ساوه شهری‌‌نین  قره‌غان بؤلگه سینده یئرله‌شن و بو منطقه‌نین تانینمیش قاجار دؤرونون تورک شاعیری " حکیم تئلیم خان " ایله "اوستاد شهریار "ین خاطره سینی عزیزله مک اوچون  بیر ادبیات کاروانی حاضیرلانیب حکیم تئلیم خانین کندی اولان " مرَغئی - مراغه " کندینه گئتمیشدیک .   

                       



آردینی اوخو - ادامه

قوربان! اونو معالجه ائدن دوکتور ، اؤزلریندن ایدی! (۱۲)

+0 بَگَن (Bəyən)

     

          قوربان! اونو معالجه ائدن دوکتور ، اؤزلریندن ایدی! (۱۲)

                                            دوکتور هئیت‌دن اؤزل خاطیره‌لر  

                                                حسن راشدی : ۳ تیر 1394 

سؤیله‌نیلن تاریخ : ۲۳ بهمن 1378 

مکان : دوکتور هئیت مطبّی ( وارلیق دفتری )

دوکتور هئیت :

بیز شاه زامانینندا نه قدر دربارا یاخین اولسایدیق‌دا یئنه بیزه اعتماد یوخ ایدی و بیزه اؤزگه گؤزو ایله باخیردیلار .

بیر گون شاه زامانیندا بیر عالی رتبه هئیت تورکیه‌دن ایرانا گلمیشدی ، بو هئیت‌ده تورکیه‌نین خارجی ایشلر  ناظیری‌نین حیات یولداشی مریض اولدو . من بیر طبیب اولاراق اونو معاینه ائتدیم و لازیم اولان نوسخه یازیلدی و مریض معالجه اولدو .

 



آردینی اوخو - ادامه

دوکتور زهتابی نین یازدیغی تاریخ ، بیزیم یازدیقلارمیزی سوپوروب آپاردی (11)

+0 بَگَن (Bəyən)

 Image result for ‫دکتر زهتابی‬‎                   دوکتور زهتابی نین یازدیغی تاریخ ،

                                      بیزیم یازدیقلارمیزی سوپوروب آپاردی (11)

                                                                    دوکتور هئیت‌دن اؤزل خاطیره‌لر   

                                                                 حسن راشدی : اول خرداد ۱۳۹۴ 

سؤیله‌نیلن تاریخ : ۴ اسفند ۱۳۷۹ پنجشنبه

مکان : " جان آذربایجان " دفتری ، " قومیت لر " جلسه‌سی ، جمالزاده خیابانی ، تهران

زامان : آخشام اوستو

جلسه ده اولانلار : حسن راشدی ، اکبر آزاد ، احمد حکیمی پور ، کمال مرادی ، دوکتور حسن جعفرزاده، ابراهیم رفرف ، عزیزی بنی طُرُف ، منصور مشرف (عرب لردن )

جلسه‌ده همیشه کی کیمی بحث لر آنایاسانین ( اساس قانونون)  15 و 19 جو ماده‌سی‌نین اجراسی باره‌ده گئدیردی . بئله بیر دورومدا سؤز غیر فارس دیللرین نئجه تدریس اولماسی و تاریخ کیتابلاری متنی‌نین دگیشدیریلمه‌سیندن و دوکتور زهتابی‌دن گئتدی .

آقای بنی طرف دئدی : بیر نفر عراقدان گلمیشدی دئییردی ، پروفئسور زهتابی بغداددا منیم  اوستادیم اولوب ؛ او اورادا تورکجه درس دئییردی .



آردینی اوخو - ادامه

آقای دوکتور هئیت ، سیز پان تورکلرین رئیسی سینیزمی ؟ (10)

+0 بَگَن (Bəyən)

      

                 آقای دوکتور هئیت ، سیز پان تورکلرین رئیسی سینیزمی ؟ (10)

                                     دوکتور هئیت‌دن اؤزل خاطیره‌لر   

                                   حسن راشدی : اول اوردیبهشت  ۱۳۹۴ 

سؤیله‌نیلن تاریخ : ۴ اسفند۱۳۷۹ پنجشنبه

مکان : " جان آذربایجان " دفتری ، " قومیت لر " جلسه‌سی ، جمالزاده خیابانی ، تهران

زامان : آخشام اوستو

۱۳۷۹ جو ایل دی آیی‌نین ۱۰ جو گونو تهرانین جنوبی جمالزاده خیابانیندا  " جان آذربایجان " آدلی بیر دفتر آچیلدی (۱) ؛ بو دفترده تورکجه - فارسجا هم " پیک آذر "مجله‌سی حاضیرلانیر و هم " قومیت‌لر جلسه‌سی " و یا فارسجا دئییلن "​جلسه قومیت ها " تشکیل تاپیردی .

بو مکان ۱۳۷۹ جو ایلین سونلارینا یاخین جنوبی جمالزاده خیابانی‌نین بیر آز آشاغاسینا و کوچه نین ایچینه منتقل اولدو . " قومیت‌لر " جلسه‌سینده ایرانین مختلیف میلّیّت‌لریندن اولان او جمله​دن تورک ، عرب ، تورکمن و کورد میلّی فعاللاری نماینده‌لری اشتراک ائدیر و ایرانین آنایاساسی‌نین ۱۵ و ۱۹ جو ماده​‌سی‌نین نئجه اجرا اولماسی باره​ده  فیکیر موبادیله​سی آپاریردیلار ، بو جلسه‌لرده یالنیز بلوچلاردان نماینده یوخ ایدی .



آردینی اوخو - ادامه

بیرلیگینیزی قورویون (۹)

+0 بَگَن (Bəyən)

    

                                                    بیرلیگینیزی  قورویون  (۹)

                                               دوکتور هئیت‌دن اؤزل خاطیره‌لر  

                                                حسن راشدی :۱۸ دی ۱۳۹۳ 

 سؤیله‌نیلن تاریخ : ۱۹آبان ۱۳۸۰

مکان : دوکتور هئیت مطبّی ( وارلیق دفتری )

زامان : شنبه گونو  آخشام اوستو

بو مکاندا حاصیر اولانلار : رحمتلیک میر هدایت حصاری ، حسن راشدی ، اکبر آزاد ، حسین محمدخانی (گونئیلی) ، دوکنور حسن جعفرزاده ، آغشین آغکمرلی، حسین تهماسب پور ( شهرک- میرزا) ، عبدالعلی مجازی، مسعود فیوضات ، آیدین صادقی،اکبر منظوری ، سلطانی ، محمدپور

 شنبه گونو " درنَکلر درنَگی " (۱) موضوعسو اوزه‌رینده دوکتور هئتین مطبینده ( وارلیق دفترینده) جلسه واریدی ؛ بو ساحه‌ده مختلیف بحثلر اولدو ، بو بحثلر آراسیندا دوکتور هئیت دئدی :

" من حضرت محمدین مریدلریندنم ، بو بؤیوک اینسانی پیغمبرلیکدن علاوه بؤیوک بیر فیلسوف و شخصیت بیلیرم ؛ بورادا حزب اللهی - زاد یوخدورکی، من اؤزومو بئله گؤسترم هله‌ده کی،​کراواتیمی تاخیرام !



آردینی اوخو - ادامه

تورکجه دانیشماسان سنی معاینه ائتمه‌رم ! (۸)

+0 بَگَن (Bəyən)

            

                       تورکجه دانیشماسان سنی معاینه ائتمه‌رم ! (۸)

                                     دوکتور هئیت‌دن اؤزل خاطیره‌لر   

                                        حسن راشدی : ۴ دی ۱۳۹۳ 

سؤیله‌نیلن تاریخ : ۱۶ خرداد ۱۳۷۹

مکان : دوکتور هئیت مطبّی ( وارلیق دفتری )

زامان : دوز (دوشنبه )  گونو  ساعات ۱۷-۲۰

بیر نئچه هفته ایدی اورتوگرافی سئمیناری ایله باغلی دوکتور هئیتین مطبینده آردیجیل اولاراق "وارلیق یازارلار بیرلیگی"‌نین جلسه‌لری کئچیردی و سئمینارین نئجه کئچمه‌سی ، کیملرین بو سئمینارا دعوت اولماسی ، سئمیناردا مقاله‌لرین اوخونماسینا واخت آییرما ترتیبی ، هئیت رئیسه عضولری و سئمینارین سونوجو اولاراق سس‌لرین (رای لرین ) نئجه آلینماسی و باشقا موضوعلاراوزه‌رینده اوزون بحثلر اولوردو .

بو بحثلر اثناسیندا ،بلکه جلسه یورودوجو اولماسین دئیه دوکتور هئیت اویرنجی‌لیک زامانیندان بیر خاطیره‌نی بئله تعریف ائتمه‌یه باشلادی :



آردینی اوخو - ادامه

فارسلارین هامیسی ناسیونالیست دیر (7)

+0 بَگَن (Bəyən)

            فارسلارین هامیسی ناسیونالیست دیر (7)

                                           دوکتور هئیت دن اؤزل خاطیره لر

                                                 حسن راشدی  ۲۱ / ۸ / ۱۳۹۳

      

">سؤیله نیلن تاریخ: ۲۷ مهر ۱۳۸۱

">مکان : دوکتور هئیت مطّبی ( وارلیق دفتری ) ، آخشام اوستو

">بو مکاندا حاضیر اولانلار : حسن راشدی ، حسین گونئیلی ، ابراهیم رفرف ، رحمتلیک میر هدایت حصاری ، حسن بگ هادی ...

۱۳۸۱ جی ایل تبریز مجلیس وکیلی علی اصغر شعردوست پیشنهادی "شورای عالی انقلاب فرهنگی " و " ارشاد اسلامی " اداره سی تصویبی ایله شهریورین ۲۷ سی و اوستاد شهریارین وفات گونو " روز ملّی شعر و ادب ایران " ( ایرانین ملّی شعر و ادب گونو ) اعلان اولدو .

 



آردینی اوخو - ادامه

" ساناز " توركجه نی نئجه اؤیرَندی ؟ (۶)

+0 بَگَن (Bəyən)

 

                                      " ساناز " توركجه ​نی نئجه اؤیرَندی ؟ (۶)

                                   دوكتور هئیت ​دن اؤزل خاطیره ​لر

                                           حسن راشدی ۲۹ / مهر / 1393

 

سؤیله نیلَن تاریخ :۳۰/ شهریور/ 1383   

مكان : تهران ، دوكتور هئیت مطّبی ( وارلیق دفتری ) ساعات : ۱۷:۳۰ الی ۱۹

بو مكاندا حاضیر  اولانلار : حسن راشدی ، مسعود فیوضات، علی آردم ( اردبیللی موسیقیچی )

دوكتور هئیت تئلفون آرخاسیندا توركیه توركجه​سینده دانیشیردی ، دانیشیغی قورتاراندان سونرا دئدی :

" بو دانیشدیغیم ، منیم سون بئشیگیم " ساناز " قیزیم ایدی . "



آردینی اوخو - ادامه

اوتوز ایل داها عؤمروم اولسایدی بئله.....! (5)

+0 بَگَن (Bəyən)
          
                          اوتوز ایل داها عؤمروم اولسایدی بئله....!
(5)

                                    دوكتور هئیت دن اؤزل خاطیره لر

                                                        حسن راشدی 25 / شهریور / 1393

 

سؤیله نیلَن تاریخ : 13 / اسفند/ 1383   

مكان : تهران ، علم و صنعت بیلیم یوردو ( اونیوئرسیته سی )  شهید بهرامی سالونو

بو مكاندا حاضیر  اولانلار : "علم و صنعت" و تهرانین باشقا بیلیم یوردلاریندا تحصیل آلان

 تورك اؤیرنجیلری و دعوت اولان ادیب لر

ایلك دفعه بنگلادش اؤلكه سی طرفیندن 17 نوامبر 1999 جو ایلده "دونیا آنادیلی گونو" نون آدلانماسی " یونسكو " تشكیلاتینا پیشنهاد اولدو و فورال آیی نین 21 ی بنگلادش اؤلكه سی نین  اؤنه ریسی و یونسكو تشكیلاتی قبولی و یونسكو عضوو اولان دونیانین 188 اؤلكه سی او جمله دن ایران بو پیشنهادا رای وئریب اونو تائید ائتدیلر و فورال آیی نین 21 ی ( اسفندین 2سی و بعضی ایللر 3و ) " دونیا آنا دیلی گونو " اعلان ائدیلدی.



آردینی اوخو - ادامه

من پیشه وری یه داها حؤرمت و احترام قائلم (4)

+0 بَگَن (Bəyən)

       

                           من پیشه وری یه داها حؤرمت و احترام قائلم (4)

                                        دوكتور هئیت دن اؤزل خاطیره لر

                                         حسن راشدی21 / شهریور/1393

سؤیله نیلَن تاریخ : 11 / 6/ 1383   

مكان : دوكتور هئیت مطّبی ( وارلیق  دفتری )

مطب ده اولانلار : منشی : آقای اسكندری و حسن راشدی

دوكتور هئیت :

من پیشه وری یه داها حؤرمت و احترام قائیلَم ؛ ستارخانادا احترام ائدیرم ، ستارخان جسارتلی و ملّی سردار اولدوغونا اونا حؤرمت بسله ییرم آمما پیشه وری یه داها اینانیرام ، چونكو ستارخانا تقی زاده چوخ مسئله لری دئییر و پیشنهاد ائدیردی ، هرچند كی ، ستارخان اؤز تصمیمینه عمل ائدیردی ، آمما پیشه­ وری بؤیوك بیر سیاستچی ایدی و گوجلو سیاسی تصمیم لر توتوردو .



آردینی اوخو - ادامه

دوكتور هئیت­ دن اؤزل خاطیره­ لر (3)

+0 بَگَن (Bəyən)

    

                          سیزه بیر "انترسان " انسانی تانیتدیرماق ایسته ییرم !

                                         دوكتور هئیت­ دن اؤزل خاطیره­ لر (3)

                                             حسن راشدی  11 / شهریور / 1393

 

سؤیله نیلَن تاریخ : 6 / 12 / 1383    آخشام اوستو

گون : چهار شنبه

مكان : دوكتور هئیت مطّبی ( وارلیق  دفتری )

بورادا اولانلار : اوستاد عزیز محسنی ، حسن راشدی

دوكتور هئیت :

پاریس دانیشگاهیندا من جراحلیق تخصصیمی بیتیردیگیم زامان منیم اوستادیم و ژنرال دوگولون خصوصی دوكتورو پروفئسور " لیشویتس " منی دوكتور اقبالا تانیتدیریب دئدی :

" من بو گون بیر انترسان انسانلا سیزی تانیش ائتمك ایسته­ ییرم، او انسان یانینیزدا اولان  بو دوكتور جواد  هئیت دیر ."

دوكتور اقبال دئدی : اونون آتاسی ایله من آرتیق تانیشام و اونون آتاسی­ دا انترسان بیر انساندیر !

پروفئسور لیشویتس دئدی : آمما بو بیر " علامه " دیر ، علامه آنلامینی فرانسه دیلینده یئتیرن سؤزجوكدن استفاده ائتدی كی، بیر عالیم دن یوخاری درجه­ یه دئییرلر ؛ سونرا پروفئسور لیشویتس دوكتور اقبالا دئدی ، شاها بیر مكتوب یاز  و دوكتور هئیتی نانیتدیر .



آردینی اوخو - ادامه

دوكتور هئیت دن اؤزل خاطیره لر (1) و (2)

+0 بَگَن (Bəyən)
undefined">  

               پروفئسور دوكتور جواد هئیت 1383 و 1384 جو ایل نئجه وصیت ائتدی؟ (1) 

                     گونئی آذربایجانلیلار اؤزوموز ، توركیه لیلر قارداشلاریمیزدیر !  (2)  

                                           دوكتور هئیت دن اؤزل خاطیره لر 

                    

                                           حؤرمتلی دوستلار ، ادبیات سئورلر

      و  گونئی - قوزئی  آذربایجان و تور ك دونیاسی نین افتخاری ساییلان و تانری رحمتینه قووشان

                                        پروفئسور دوكتور جواد هئیتی سئونلر !

قاباقلاردا دئدیگیم كیمی  منیم ، ائلیمیزین - یوردوموزن افتخاری  رحمتلیك اوستادیمیز دوكتور جواد هئیت دن اؤزل خاطیره لریم وار ؛ بو خاطیره لر ایللر بویو دوكتورون مطبّی اولدوغو حالدا " وارلیق " درگیسی نین دفتری كیمی ساییلان و وارلیق مجله سی موضوعلاری و باشقا مسئله لر حاقدا دوكتور هئیتین  باشچیلیغی ایله قوردوغوموز  رسمی جلسه لردن سونرا و دوكتورون سؤیله دیكلری اؤزل خاطره لریندن یادداشت ائتدیگیم موضوعلاردیر .

بو یادداشتلارهانسی  تاریخ ، هفته نین هانسی گونو و حتی هانسی ساعاتیندا دئییلدیگی و بو دئییلن زامان كیملرین دوكتورون یانینندا اولدوغو بئله یادداشت اولوب .



آردینی اوخو - ادامه